મારો પ્રિય તહેવાર -દિવાળી

દિવાળી એ ભારત નો અને ગુજરાત નો સૌથી મોટો તહેવાર છે, એવું માનવામાં આવે છે. ઘણી જગ્યાએ તે દીપાવલી તરીકે પણ ઓળખાય છે. આ દિવસે દરેક ના ઘરે ખુશીનું વાતાવરણ છવાયેલું હોય છે, ભારત ના દરેક લોકો તેમના ઘરને રંગબેરંગી લાઈટોથી અને દીવાથી સજાવે છે, અને બાળકો અને યુવાનો ની વાત કરીએ તો, તે સાથે મળીને હસી ખુશી થી ફટાકડા ફોડે છે.

દિવાળી એ ફક્ત ભારતીયો માટે જ નહીં પરંતુ ભારતની બહાર રહેતા અન્ય લોકો માટે પણ ખુબ મહત્વપૂર્ણ તહેવાર માનવામાં આવે છે. બધાજ ભારતીય લોકો દિવાળીને ખુબ ધામ ધૂમ થી ઉજવે છે. દિપાવલી નિમિત્તે શાળાઓ અને કોલેજોમાં એક લાંબી રજા અથવા વેકેશન હોય છે, જેને દિવાળી નું વેકેશન કહેવાય છે.

આ સમયે મોટા ભાગની શાળા કોલેજોમાં નિબંધ લેખન અને વકૃત્વ સપર્ધા નું આયોજન કરવામાં આવ્યું હોય છે, મેં જોયું છે કે આ દિવસો માં ક્યાંક તો હરીફાઈનું પણ આયોજન કરવામાં આવે છે.દિવાળી ના દિવસે બજારોને અદ્ભુત દેખાવ આપવા માટે દુલ્હનની જેમ લાઈટોથી સજાવવામાં આવેલી હોય છે. આ દિવસે બજારમાં મીઠાઇ અને કપડાંની દુકાનોની ખુબ ભીડ જામેલી જોવા મળે છે. બાળકો, વૃધો અને યુવાનો બજારમાંથી નવા કપડા, ફટાકડા, મીઠાઇ, ભેટ, અને રમકડા ખરીદતા હોય છે.

તેના પછીના દિવસે નવું વર્ષ ઉજવવા માં આવે છે, જેમાં બધા લોકો પોતાના સાગા સંબંધી અને મિત્રો ના ઘરે જાય છે. ગુજરાતી કેલેન્ડર પ્રમાણે આ આપણું નવું વર્ષ છે, અને સમગ્ર ગુજરાત માં પણ આજ દિવસ ને નવા વર્ષ તરીકે ઉજવી અને નવી શરૂઆત કરવામાં આવે છે.