( 1 ) જંગલ =વન , અરણ્ય
( 2 ) ડર = ભય , બીક
( 3 ) શિશુ = બાળક , બચ્યું
( 4 ) વરહ = વર્ષ , સાલ ,
( 5 ) નજર = દષ્ટિ , ધ્યાન
( 6 ) ઓસાણ = યાદ , સ્મૃતિ
( 7 ) ધરતી = ધરા , પૃથ્વી
( 8 ) રક્ષણ = રખેવાળી , જતન
( 9 ) અદભુત = આશ્ચર્યકારક , અજબ
( 10 ) ગોદ = ખોળો , ઉછંગ
*******************
વિરુદ્ધાર્થી શબ્દો લખો :
( 1 ) મુશ્કેલ X સરળ
( 2 ) સૂકાં X લીલાં
( 4 ) જુદાં X ભેગાં
( 5 ) રક્ષણ X ભક્ષણ
( 6 ) પ્રેમ X નફરત , ઘૃણા
***************
સાચી જોડણી લખો :
( 1 ) પશ્ચિમ
( 2 ) આજીવન
( 3 ) ઝૂંપડાં
( 4 ) ફૂલડાં
( 5 ) પથ્થર
( 6 ) શિશુ
( 7 ) અસ્તિત્વ
( 8 ) બલિહારી
( 9 ) અદભુત
( 10 ) વિનતિ , વિનંતી , વિનંતિ
**************
નીચેના શબ્દસમૂહ માટે એક - એક શબ્દ આપો :
( 1 ) જિંદગીના અંત સુધી – આજીવન , જીવનપર્યત
( 2 ) એક જ નામથી ઓળખાતો લોકસમૂહ – કોમ
( 3 ) માલધારીઓએ જંગલમાં બાંધેલાં ઝૂંપડાંઓના સમૂહનું નાનું ગામ – નેસ નેસડો
( 4 ) ઢોરઢાંખર રાખનાર અને એના ઉપર નભનાર જાતિ – માલધારી
( 5 ) સિંહની ગર્જના – ડણક
( 6 ) ભાંગી - તૂટી પણ મીઠી લાગે તેવી બાળકની ભાષા - કાલી બોલી
( 7 ) લગભગ અડધી ઉંમરનું – આધેડ
( 8 ) કાંટાવાળાં વૃક્ષોની ગીચ ઝાડી – કાંટ
( 9 ) જવાબદારી કે રક્ષણ વિના એકલું અટુલું મૂકેલું – રેઢું
*******************
પ્રશ્નો ના ઉત્તર આપો :
( 1 ) ગિરનાર કોની જેમ બેઠો છે ?
ઉત્તર : ગિરનાર કોઈ અવધૂત ( વૈરાગી બાવા ) ની જેમ બેઠો છે .
( 2 ) પ્રાગડ ફૂટે એટલે માલધારીઓ શું કરતા ?,
ઉત્તર : પ્રાગડ ફૂટે એટલે માલધારીઓ ભેંસો અને બીજાં ઢોરોને લઈ ચરાવવા ઊપડી જતા .
( 3 ) બાળકની ઉંમર કેટલી હતી ?
ઉત્તર : બાળકની ઉંમર ચારેક વરસની
હતી .
( 4 ) બાળકને નદીની ભેખડમાં ગલૂડિયા જેવું શું દેખાયું ?
ઉત્તર : બાળકને નદીની ભેખડમાં ગલુડિયા જેવું સિંહનું બચ્ચું દેખાયું .
( 5 ) માલધારી સ્ત્રીનો જીવ અડધો કેમ થઈ ગયો ?
ઉત્તર : માલધારી સ્ત્રીનું બાળક તેની પાછળ - પાછળ આવતું હતું . કરગઠિયાં વીણતાં તે બાળકને ભૂલી ગઈ . જ્યારે તેણે સિંહણની ડણક ( ગર્જના ) સાંભળી ત્યારે તેને બાળક યાદ આવ્યું . બાળકને ન જોતાં માલધારી સ્ત્રીનો જીવ અડધો થઈ ગયો .
( 6 ) સિંહણ બાળકથી કેટલી દૂર હતી ? ઉત્તર : સિંહણ બાળકથી સાત ફૂટ દૂર
હતી .
( 7 ) આખરે બંને માતાઓએ શું કર્યું ?
ઉત્તર ઃ આખરે બંને માતાઓએ એકબીજા સાથે આંખ મિલાવી ને પોતપોતાનાં શિશુને લઈને ચાલી ગઈ . માલધારી સ્ત્રીને નેસમાં અને સિંહણને પોતાની બોડમાં જવું હતું .
*************
સ્વાધ્યાય
નીચેના પ્રશ્નોના ઉત્તર આપો :
( 1 ) “ ગીરપ્રદેશ ” કોને કહેવાય છે ?
ઉત્તર : સૌરાષ્ટ્રમાં આવેલા ગિરનાર પ્રદેશનાં પશ્ચિમી જંગલો ‘ ગીરપ્રદેશ ' ,
“ ગીરપ્રદેશ ” કહેવાય છે .
( 2 ) માલધારી સ્ત્રીઓ શું કામ કરતી
હતી ?
ઉત્તર : માલધારી સ્ત્રીઓ સવારે દહીં વલોવતી અને સાંજે બળતણ વીણવા ગીરનાં જંગલોમાં નીકળી પડતી હતી .
( 3 ) બાળક માતાથી પાછળ કેમ રહી
ગયું ?
ઉત્તર : માતા સૂકો લાકડાં વીણતી - વીણતી આગળ ચાલી ગઈ અને તેનું બાળક ધીમે ધીમે ફૂલડાં ચૂંટતું હતું એટલે પાછળ રહી ગયું .
( 4 ) બાળક પોતાની સાથે નથી એવી માતાને ક્યારે ખબર પડી ?
ઉત્તર : સૂકાં લાકડાં વીણતી માતાએ સિંહની ડણક સાંભળી . એને પોતાનું બાળક સાંભર્યું , પોતાની આસપાસ બાળકને ન જોયું ત્યારે માતાને ખબર પડી કે પોતાનું બાળક પોતાની સાથે નથી .
( 5 ) માતાને કયું દશ્ય જોઈને ધરતી ગોળ ગોળ ફરતી લાગી ?
ઉત્તર : એક બાજુ માલધારી શિશુ સિંહબાળને રમાડી રહ્યું હતું અને બીજી બાજુ સિંહણ એના બચ્ચાને જોઈ એની નજીક આવી રહી હતી . માલધારી શિશુની માતાએ આ ભયાનક દશ્ય જોયું અને તેને ધરતી ગોળ ગોળ ફરતી લાગી .
( 6 ) શિકાર માટે ગયેલી સિંહણ શિકાર કર્યા સિવાય શા માટે પાછી ફરી ?
ઉત્તર : શિકાર માટે ગયેલી સિંહણને માનવબાળની ગંધ આવી , તેથી સિંહણ પોતાના વહાલસોયાના રક્ષણ માટે શિકાર કર્યા સિવાય પોતાની બોડ તરફ પાછી
ફરી .
**************
ટિપ્પણીઓ નથી:
ટિપ્પણી પોસ્ટ કરો