પ્રાણીઓના શરીરમાંથી ખેંચેલા તત્વોમાંથી બનાવેલી દવાઓથી માણસ લાંબુ જીવે છે
સંવેદના - મેનકા ગાંધી
ડાયાબિટિસના દર્દીઓ જે ઇનસ્યુલીન લે છે તે ગાય અને ભૂંડના શરીરમાંથી ખેંચેલા તત્વો છે.
કસ્તુરી મેળવવા મૃગને મારી નાખવામાં આવે છે. ત્યારબાદ કસ્તુરીને સૂકવીને તેના નાના ટુકડા કરાય છે: ત્યારબાદ તેને પરફ્યુમ ઉદ્યોગમાં વેચાય છે...
માણસમાં જે તત્વ લોહી પાતળું કરવા માટે વપરાય છે તે હેપરિન તરીકે ઓળખાય છે. તે પ્રાણીઓના લીવર,ફેફસા અને નાના આંતરડાની અંદરની સપાટી પરથી કાઢવામાં આવે છે
વેજીટેરીયાનિઝમ આપણે ત્યાં હજુ પ્રારંભીક સ્તરે છે. વેજીટેરીયાનિઝમ ેએટલે કંઇ માંસ નહીં ખાવાનું એવું નથી પણ તેમાં દૂધ પણ નહીં ખાવાનો ઉલ્લેખ છે. દૂધ એટલે પ્રાણીના માંસનું લીક્વીડ. પરંતુ શું તમે એ જાણેા છો કે ફૂડ ઉધ્યોગ તમને અષ્ટમ-પષ્ટમ સમજાવીને પ્રાણીઓના અંગો અને તેમની ગ્લેન્ડ(ગ્રંથીઓ) તમને ખવડાવે છે તે પર ધ્યાન રાખો છો ખરા?
એનીમલ બ્રેન,સ્પાઇનલ કોડ, પેનક્રીયાસ (સ્વાદુપિંડ),લીવર, ફેફસા,સ્ટમક,કિડની, ઓવરીસ (અંડાશય), થાઇરોઇડ, પેરા થાઇરોઇડ ્અને એડ્રીનલ ગ્લેન્ડ જેવા ભાગોનો વિવિધ ઉદ્યોગો ઉપયોગ કરે છે.
આવી ગ્લેન્ડ પ્રાણીઓમાંથી કાઢી લેવામાં આવે છે અને તેને ફ્રોજન કરી નાખવામાં આવે છે. ત્યારબાદ તેની આસપાસની પેશીઓ અને ટીસ્યુ કાઢી નાખવામાં આવે છે. ત્યારબાદ તેને વેક્સ પેપર પર ૧૮ ડિગ્રી સેન્ટીગ્રેડે રાખવામાં આવે છે. જ્યારે ફાર્માસ્યુટીકલ કંપનીના પ્લાંટમાં તેના નાના ટુકડા કરીને એક્સટ્રેક્ટ કરવાના દ્રાવણમાં મિક્સ કરાય છે. અથવાતો વેક્યુમ ડ્રાયરમાં રખાય છે.
ડ્રાઇંગ પ્રોસેસ બાદ ગ્લેનડ્સનો પાવડર બનાવાય છે જે કેપસ્યુઅલમાં કે લિકવીડ બનાવવામાં વપરાય છે. કોલ્સ્ટેરોલનો સોર્સ બ્રેન અને સ્પાઇનલ કેાડ છે. વિટામીન ડી.કોલીકેલ્સીફેરોલ બનાવવામાં તે રો મટીરીયલ તરીકે વપરાય છે. ડેરી પ્રોડક્ટ,જ્યુસ, અનાજ વગેરેમાં તે વિટામીન ડી તરીકે ઉમેરાય છે. આવી પ્રોડ્ક્ટ પર ફોર્ટીફાઇડ વીથ વિટામીન ડી લેબલ મરાય છે.
કોલેસ્ટેરોલ એ મીણયુક્ત જેવો ચીકણો પદાર્થ છે. તે આંખની દવાઓ, ફેસ મેકઅપ, શેવિંગ માટેની પ્રોડક્ટમાં અને શેમ્પૂમાં વપરાય છે.
પ્રાણીના ગોલ બ્લેડરમાંથી (પિત્તાશય) પિત્ત (બીલી)મળે છે. તે અપચો, કબજીયાત તેમજ લિવરની એક્ટીવીટી વધારવા માટે વપરાય છે. પશુઓ તેમજ ભૂંડના શરીરમાંથી મેળવેલ બીલી સૂકાયેલા પાવડર તરીકે કે લીક્વીડ ફોર્મમાં વેચાય છે. બીલીમાંથી પ્રેડનીસોન અને કોર્ટીસોન નામના તત્વોનેે તારવી લેવામાં આવે છે અને તે મેડિસીન તરીકે વપરાય છે.
પ્રાણીઓમાં સૌથી મોટી ગ્લેન્ડ લિવર હોય છે. પુખ્ત વયના પશુમાં લિવરનું વજન પાંચ કિલો જેટલું હોય છે જ્યારે ભૂંડના લિવરનું વજન ૧.૪ કિલો જેટલું હોય છે. લિવરના એક્સટ્રેક્ટ માટે તેને એસિડ યુક્ત ગરમ પાણીમાં ઝબોળવામાં આવે છે. ત્યારબાદ ઓછા તાપમાને તેની પેસ્ટ બનાવીને ફાર્માસ્યુટીકલ ઉદ્યોગમાં તે રો-મટીરીયલ તરીકે વપરાય છે. તે વિટામીન બી-૧૨ના સોર્સ તરીકે તેમજ એનિમીયાની સારવારમાં તે પોષક તત્વ તરીકે વપરાય છે.
માણસમાં જે તત્વ લોહી પાતળું કરવા માટે વપરાય છે તે હેપરિન તરીકે ઓળખાય છે. તે પ્રાણીઓના લીવર,ફેફસા અને નાના આંતરડાની અંદરની સપાટી પરથી કાઢવામાં આવે છે. મહિલાઓના ગર્ભાશયના પ્રોબલેમ અને ફેસ પરના ખીલ વિરોધી ક્રીમ બનાવવા માટે વપરાતી દવાઓ ભૂંડના અંડાશયમાંથી નીકાળેલા પ્રોજેસ્ટરોન અને ઓઇસ્ટ્રોજન હોર્મોનમાંથી બને છે.
રીલેક્સીન એવું હોર્મેાન છે કે જે માદા ભૂંડના ગર્ભાશયમાંથી લેવામાં આવે છે અને માનવ બાળકના જન્મ સમયે તેની દવા વપરાય છે.
ભૂંડ અને ગાયના સ્વાદૂપિંડ ઇન્સ્યુલીન આપે છે. જે શરીરમાં ખાંડની ચયાપચયની ક્રિયાને નિયમિત બનાવીને ડાયાબીટીસને મેનેજ કરે છે. જો તમને ડાયાબીટીસ હોય અને તમે જાતે ઇન્જેક્શન લેતા હોવ તો યાદ રાખજો કે ગાય અને ભૂંડના શરીરમાંથી ખેંચેલા તત્વો તમને સાજા રાખી રહ્યા છે. આંઠ આૌંસ ( ૨૮.૩૫ ગ્રામ) જેટલા શુધ્ધ ઇનસ્યુલીન માટે ભૂંડના બે ટન જેટલા અંગોની જરુર પડે છે.
પ્રાણીઓના સ્વાદુપિંડમાંથી એક્સટ્રેક્ટ કરેલું તત્વ ગ્લુકોજન માનવમાં બ્લડ સુગર વધારવા વપરાય છે. આલ્કોહોલના કારણે બ્લડ સુગરની સ્થિતિને કંટ્રોલ કરવા વપરાય છે. ચાયમો ટ્રાયપ્સીન અને ટ્રાયપ્સીન જેવા એન્ઝાઇમ પ્રાણીઓ તેમજ ફીશના સ્વાદુ પિંડમાંથી મેળવાય છે. બલ્ડ ક્લોટ ઓગાળવા માટે તે વપરાય છે. ફૂડ ઉદ્યોગમાં તે બેકિંગ, સોસમાં ફ્લેવર, નોન એલર્જીક બેબી ફૂડમાં વપરાય છે.
એડ્રીનલીન કે ઇપાઇનફ્રીનને ડુક્કર, પશુઓ, ઘેટાંની એડ્રીનલીન ગ્લેેન્ડમાંથી ખેંચવામાં આવે છે. તેનો ઉપયોગ હાર્ટમાં ઇન્જેકશન આપવા તેમજ આંખમાં ડોળાને ભેજવાળો રાખવા વપરાય છે. પ્રાણીઓના લીવરમાંથી લેવાયેલ આર્ચીડોનીક એસિડ એ ફેટી એસિડ છે બોડી બિલ્ડીગ સપ્લીમેન્ટ તરીકે તેનું માર્કેટીંગ થાય છે.
લીપાઝ અને રીનેટ એ બે એન્ઝાઇમ એવા છે કે જે ધેટાના બચ્ચાં, વાછરડાં અને અન્ય પ્રાણીઓના બચ્ચાંઓની જીભ નીચેથી લેવાય છે અને તેમનો ઉપયોગ ચીઝ બનાવવા, પાચનમાં મદદ કરતા તત્વ તરીકે તેમજ ક્લોટીંગ એજન્ટ તરીકે વપરાય છે.
પેમીટીક એસિડ અને ઓલીક એસિડ ફેટી એસિડ છે જે પ્રાણીઓ તેમજ વેજીટેબલ ચરબીમાંથી બને છે. ઓલીક એસિડ સામાન્ય રીતે મટનની ચરબીમાંથી લેવામાં આવે છે. તે કેન્ડલ બનાવવા ઉપરાંત તે કેન્ડી, આઇસક્રીમ, સાબુ , નેલ પોલિશ,લિપસ્ટીક, સ્કીન ક્રીમ વગેરેમાં જોવા મળે છે.
ઓલીયલ આલ્કોહોલ ઓસીનોલની બ્રાન્ડ હેઠળ વેચાય છે તેમાં ફીશ ઓઇલની ચરબી કાપડને સોફ્ટ કરવા તેમજ દવાઓ બનાવવા વપરાય છે.
પોલી પેપ્ટાઇડ્ઝ એ એમિનો અસિડ સાથે જોડાયેલા હોય છે. પ્રોટીન બનાવવા એમિનો એસિડ મહત્વનો છે. એનિમલ પ્રોટીનમાંથી તે મળે છે. પોલી સોર્બેટ એ ગોલ્ડન કલરનું એનિમલ પ્રોટીન છે જે ઓલિક એસિડમાંથી બને છે. તે ગાય,ભૂંડ અને ધેટાંની ચરબીમાંથી મળે છે. ફૂડ પ્રોડક્શનમાં પોલી સ્કોરબેટ-૬૦ અને ૮૦ વપરાય છે.
સ્ટીયરીક એસિડ ગાય, ભૂંડ અને ડુક્કરમાંથી મેળવાય છે. જ્યારે વિદેશમાં તે કૂતરાં અને એનિમલ શેલ્ટરમાં રખાયેલી બિલાડીઓમાંથી મેળવાય છે.
કસ્તુરી મૃગના મેલમાં કસ્તુરી નામની ગ્લેન્ડ હોય છે.તે તેના પેનિસના આગળના ભાગમાં કોથળી આકારના એક ભાગમાં હોય છે. કસ્તુરી મેળવવા મૃગને મારી નાખવામાં આવે છે. ત્યારબાદ કસ્તુરીને સૂકવીને તેના નાના ટુકડા કરાય છે પછી તેની ક્ષમતા મેળવવા તેને આલ્કોહોેલમાં ડૂબાડાય છે. ત્યારબાદ તેને પરફ્યુમ ઉધ્યોગમાં વેચાય છે. પરફ્યુમ ઉધ્યોગ કેસ્ટોરીયમ નામનું તત્વ વાપરે છે જે રુંછા વાળા પ્રાણીઓની પૂંછડીમાંથી મળે છે.
કોઇપણે સ્તરે કુદરતી સોર્સ બહુ મહત્વનો હોય છે. જો તમે શાકાહારી છો તો ફૂડ પર વેજીટેબલ સોર્સ લખ્યો હોય છે. પરંતુ હેલ્થ-ફૂડ ઇન્ડસ્ટ્રી ખાસ કરીને પરફ્યુમ ક્ષેત્ર એનિમલ સોર્સમાં પ્રાણીઓના અંગો,ગ્લેન્ડ, ચરબી, વગેરે વાપરે છે. આ કંપનીઓ એટલી હોંશિયાર હોય છે કે પ્રોડક્ટની અંદરના તત્વોની વિગતો નાના ટાઇપોમાં છાપે છે. જેથી આસાનીથી વાંચી શકાતા નથી. પરંતુ દરેકે તે વાંચવાનો પ્રયાસ કરવો જોઇએ. ખોરાકમાં તમે પ્રાણીઓ સિવાયના વિકલ્પો શોધો જે હજારોના જાન બચાવી શકે છે.
Tags :
Maneka-Gandhi
Samvedna
(Gujarat samachar news paper)
ટિપ્પણીઓ નથી:
ટિપ્પણી પોસ્ટ કરો