વજન ઘટાડવાની વાત આવે ત્યારે મગજમાં સૌથી પહેલો વિચાર ડાઈટિંગ કરવાનો જ આવે છે પરંતુ ડાયેટિંગમાં માત્ર ખાવાની વસ્તુઓ પર જ નહીં પણ કેટલીક પીવાની વસ્તુઓ પર પણ ધ્યાન આપવું જોઈએ.
ઘણાં શરબત એવાં હોય છે જે આપણાં મેટાબોલિઝમને નિયંત્રણમાં રાખે છે, જેથી ભૂખ ઓછી લાગે છે. જો કે એ જાણવું બહુ જરૂરી છે કે તમારે કયું શરબત પીવું જોઈએ કારણ કે કેટલાંક શરબત વજન વધારે છે તો કેટલાક શરબત વજન ઘટાડે છે.
લીંબુ, મધ અને પાણી
વજન ઘટાડવા માટે સૌથી વધારે અને સૌથી પહેલા આની જ સલાહ આપવામાં આવે છે. એક ગ્લાસ ગરમ પાણીમાં એક ચમચી મધ અને લીંબુનો રસ મિક્સ કરીને રોજે સવારે પીવાથી વજન ઓછું કરવામાં મદદ મળે છે.
લીંબુ અને કૉફી
કૉફીમાં વજન ઘટાડવાના ગુણ રહેલા છે. બ્લેક કૉફીની સાથે લીંબુનો રસ મિક્સ કરીને એક્સર્સાઈઝ કરતાં પહેલા પીઓ. આનાથી મેટાબોલિઝમ સુધરે છે.
હળદરવાળું દૂધ
શરદીમાં રાહત આપતું હળદરવાળું દૂધ વજન ઘટાડવામાં પણ મદદ કરે છે. એ સીધા એ જીન પર કામ કરે છે જે શરીરમાં ફેટ જમા થતાં રોકે છે. એનાથી શરીર પર સોફ્ટ થાય છે.
આદૂ, લીંબુ અને પાણી
પેટની ચરબી ઘટાડવામાં આદુ બહુ લાભદાયી છે. આદુમાં જિનજેરોલ્સ, બીટા-કેરોટિન અને કૈફિક એસિડ હોય છે. તદુપરાંત એમાં એન્ટી-ઑક્સીડન્ટ અને એન્ટી ઇન્ફ્લામેટ્રી પ્રોપર્ટીઝ હોય છે.
કોકમનો જ્યૂસ
સાઉથ ઇન્ડિયન વાનગીઓમાં સ્વાદ વધારવામાં વપરાતી આ વસ્તુ વજન ઘટાડવામાં બહુ મદદ કરે છે. કોકમને આખી રાત પાણીમાં પલાળો અને સવારે એને ઉકાળી લો. સવારે જ્યૂસ પી લો.
જીરાનું પાણી
જીરાનું પાણી શરીરમાં ગરમી પેદા કરે છે. તેથી જ આને પીવામાં સાવચેતી રાખવી જોઈએ કે તે વધારે પ્રમાણમાં ના પીવાઈ જાય. એક ચમચી જીરાને પાણીમાં ઉકાળીને પીવો.
એલોવેરા જ્યૂસ
બજારમાં ઘણી બ્રાન્ડના એલોવેરા જ્યૂસ મળે છે. તેમાં વિટામિન એ અને સી હોય છે. જે વજન ઘટાડવામાં મદદરૂપ થાય છે.
પાણી અને એપલ સીડનો સરકો
એપલ સીડનો સરકો એક પ્રકારનું એસિડ હોય છે. તે શરીરમાં એક નિયંત્રણ બનાવે છે. એક ચમચી સરકાને થોડા ગરમ પાણીમાં મિક્સ કરીને રોજે સવારે પીવાથી વજનમાં ઘટાડો થાય છે.
છાશ
છાશ ગરમીથી છુટકારો મેળવવાનો એક સારો ઉપાય છે. એમાં રહેલાં પ્રોટીનથી વજન ઘટાડવામાં મદદ મળે છે. છાશમાં શુદ્ધ પ્રોટીન હાજર હોય છે. દિવસ દરમિયાન ભૂખ લાગે તો તળેલી વસ્તુઓ ખાવાને બદલે છાશ પીવી જોઈએ.
ઇલાયચી પાણી
ઇલાયચીનું પાણી વજન ઘટાડવામાં અક્સીર સાબિત થાય છે પણ એ વિશે બહુ ઓછા લોકો જાણે છે. આને પીવાથી ના માત્ર વજન ઉતરે છે પણ ત્વચાનો નિખાર પણ વધે છે.
સૌજન્ય: ગુજરાત સમાચાર
