ચાઇનાના દક્ષિણપૂર્વીય પ્રાંત ફુઝિયાનના ફુઝોઉમાં 5જી મોબાઈલ નેટવર્ક ટેક્નોલોજીનો ઉપયોગ કરીને ડુક્કરની રિમોટ સર્જરી કરવામાં આવી. આ સર્જરી સફળ થઈ છે. આ સર્જરી પછી ડોકટરોએ આશા વ્યક્ત કરી છે કે આ તકનીકીની મદદથી તે ભવિષ્યમાં મનુષ્યની સારવાર પણ કરી શકશે. આ માટે હુવાવે ટેક્નોલોજી તરફથી 5જી કનેક્શન આપવામાં આવ્યું હતું.
ડુક્કરની સર્જરી કરનારા સર્જન ડો. લિયુ રોંગ ફુઝિયાન મેડિકલ યુનિવર્સિટીમાં બેઠા હતા. જ્યારે સર્જરી ત્યાંથી લગભગ 50 કિલોમીટર દૂર થઈ રહી હતી. ડોક્ટર લિયુએ રોબોટિક સર્જીકલ આર્મની મદદથી ડુક્કરની સર્જરી કરી હતી. તેને 5જી ટેકનોલોજીની મદદથી સંચાલિત કરવામાં આવી હતી. આ સર્જરી એક કલાક ચાલી હતી. રોબોટિક આર્મ્સ માત્ર 0.1 સેકન્ડમાં જ કમાન્ડ લઇને પ્રતિક્રિયા આપતા હતા. ડો. લિયુએ જણાવ્યું કે આ પ્રકારની શસ્ત્રક્રિયા વિશેની સૌથી મહત્વની બાબત એ છે કે તેમાં વધુ કાપ મૂકવાની જરૂર ન રહી તેથી ડુક્કરને વધુ બ્લિડીંગ પણ ન થયું.
ડો. લિયુએ કહ્યું, 5જી ટેક્નોલોજીની મદદથી એવી જગ્યાએ પણ સર્જરી કરી શકાય છે જ્યાં સર્જન અથવા ડોક્ટર પહોંચી શકતા નથી.' તેમણે કહ્યું કે ટેક્નોલોજી દ્વારા મોટી-મોટી હોસ્પિટલો, નાની હોસ્પિટલોને પણ મદદ કરી શકશે. 4જીની તુલનામાં 5જી દ્વારા સર્જરી 20 ગણી વધુ ઝડપથી થશે. તો હવે એ સમય દૂર નથી કે જ્યારે ડોક્ટરને બદલે રોબોટિક આર્મ્સ માણસ પર શસ્ત્રક્રિયા કરશે.
ટિપ્પણીઓ નથી:
ટિપ્પણી પોસ્ટ કરો